Pyetjet që na bëni më shpesh.

Çmimin e keni te faqja e çdo trajtimi dhe te lista e çmimeve. Disa trajtime kanë një çmim të caktuar, disa sipas zonës (“nga”), e disa i caktojmë në konsultë, sipas zonës dhe sasisë. Na shkruani në WhatsApp ose Viber dhe ju përgjigjemi.

Po. Pothuajse çdo javë kemi një ofertë të re, që e publikojmë në Instagram, në Facebook dhe këtu në faqe. Numri i termineve me ofertë është i limituar.

Telefononi ose shkruani në +383 44 888 040 në Viber ose WhatsApp, ose na dërgoni kërkesën nga faqja e rezervimit. Punojmë me termin paraprak.

Po. Me Gift Card-in e Revitës i dhuroni dikujt shërbime në klinikë në vlerën që caktoni ju.

Varet nga trajtimi. Botox-i, filleri, fijet dhe Endolift zakonisht kërkojnë një seancë, ndërsa laseri, mikrogjilpërat dhe trajtimet e trupit bëhen në seri. Numri shkruhet te çdo trajtim, dhe planin e saktë e caktojmë në konsultë.

Filleri dhe fijet duken menjëherë, botox-i pas 3–5 ditësh, ndërsa HIFU dhe Endolift ndërtohen gradualisht për disa muaj. Te çdo trajtim e keni kalendarin e rezultatit: pas seancës, pas një muaji dhe sa zgjat efekti.

Shumica e trajtimeve janë pa dhimbje ose me pak shqetësim. Aty ku duhet, aplikojmë kremë mpirëse ose anestetik lokal. Te çdo trajtim e shkruajmë qartë.

Te shumica e trajtimeve jo. Mund të ketë skuqje, ënjtje ose mavijosje të lehtë për pak orë deri në disa ditë. Kohën e rikuperimit e shkruajmë te çdo trajtim, që ta planifikoni.

Ky është gjithë qëllimi. Arti i trajtimeve estetike qëndron te një pamje e bukur pa u kuptuar cila metodë është aplikuar. Askush s’e kupton çfarë ke bërë, por të gjithë e vërejnë sa bukur dukesh.

Kjo është pyetja më e shpeshtë, dhe përgjigjja jepet në konsultë. Shpesh më i miri është kombinimi, sepse bukuria nuk është një trajtim, por kombinimi i duhur i shumë detajeve.

Mjekë të dëshmuar dhe me përvojë, të udhëhequr nga Dr. Besa Berisha Humolli, që e themeloi klinikën në vitin 2004 dhe trajnohet vazhdimisht jashtë vendit, p.sh. në Milano.

Produkte dhe pajisje të certifikuara, shumë prej tyre të aprovuara nga FDA, si Juvederm, Jalupro, Profhilo, fijet Aptos dhe laseri Diode 808 nm. Emrin e produktit jua themi gjithmonë para trajtimit.

Çdo gjendje shëndetësore e vlerësojmë individualisht në konsultë, para trajtimit. Na tregoni për diagnozat dhe terapitë që merrni. Gjatë shtatzënisë dhe gjidhënies, shumica e trajtimeve injektuese nuk bëhen.

Në Prishtinë, në lagjen Emshir, rruga Dervish Hima. Shikoni hartën te faqja e kontaktit.

Jo, vetëm në Prishtinë. Shumë kliente vijnë nga Shqipëria, Maqedonia e Veriut dhe diaspora. Na shkruani paraprakisht dhe e planifikojmë trajtimin sipas ditëve që jeni këtu.

Shumë trajtime nuk kanë kohë rikuperimi dhe bëhen në një seancë, si botox-i, filleri, HIFU dhe Aquagold. Për fijet ose Endolift ju këshillojmë t’i bëni në fillim të qëndrimit, që të keni kohë për kontroll. Caktoni terminin para se të vini.